Mynd með færslu
04.09.2017 - 09:41.Matthías Már Magnússon.Plata vikunnar, .Plata vikunnar á Rás 2, .Poppland
Hafnfirska hljómsveitin Botnleðja gaf út aðra breiðskífu sína árið 1996 og bar hún titil sem fór fyrir brjóstið hjá sumu fólki. „Fólk er fífl“ var líkt og hljómsveitin eins og ferskur andvari fyrir íslenskt tónlistarlíf þegar hún kom út á vegum R&R Músík. Í ár eru 21 ár frá útgáfu plötunnar og mun Record Records endurútgefa þessa frábæru plötu á hinu forláta vínilformi, platan er plata vikunnar á Rás 2.

Botnleðja er skipuð þeim Haraldi Frey Gíslasyni, Heiðari Erni Kristjánssyni og Ragnari Pál Steinssyni.   Þríeykið sigraði Músíktilraunir árið 1995 og sendi strax í kjölfarið sína fyrstu breiðskífu, Drullumall, sem innihélt hvern smellinn af fætur öðrum.  Þeir vöktu mikla athygli fyrir hrá, hröð og grípandi lög sín og flutningur þeirra og nálgun var fersk og óbeisluð.  Meðal þeirra sem heilluðust af Botnleðju voru breska poppsveitin Blur sem bauð Botnleðju að hita upp fyrir sig á tónleikaferð sinni um Bretlandseyjar árið 1997.  Margir telja sömuleiðis að smellur “Song 2” eftir Blur hafi verið innblásinn af þessu hafnfirska þríeyki. 

Fólk er fífl kemur út næstkomandi föstudag, 1. september, og verður fáanleg í öllum verslunum sem selja vínilplötur.

Arnar Eggert og Andrea Jóns ræddu plötuna í Popplandi 8. september 2017.

Tengdar fréttir

Menningarefni

Að rokka af sér hausinn