RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Sigríður Dögg í Morgunútvarp Rásar 2

Mynd með færslu
Sigríður Dögg Auðunsdóttir hefur verið ráðin nýr dagskrárgerðarmaður í Morgunútvarp Rásar 2.

Sigríður Dögg hefur komið víða við í íslenskum fjölmiðlum, hún vann m.a. á Fréttablaðinu, var ritstjóri Fréttatímans og er um þessar mundir starfandi á Fréttastofu RÚV en færir sig um set yfir í Morgunútvarpið. Það verða því þau Sigríður Dögg, Sigmar Guðmundsson og Atli Már Steinarsson sem stýra Morgunútvarpi Rásar 2 næsta vetur. 
 
Áður hafði verið gengið frá ráðningu Karenar Kjartansdóttur í Morgunútvarpið. Af persónulegum ástæðum óskaði Karen eftir því að ráðningin gengi til baka og varð Rás 2 við þeirri ósk.